كتبت الزميلة ليندا مشلب عبر صفحتها على فايسبوك بمناسبة الذكرى السنوية لرحيل والدتها : ما غبتي ولا يوم …. شو هالسر اللي كان فيكي… حاضرة دائما بكل تفاصيل حياتنا… اختصرت ازمان ومحطات بحياتك وبمماتك اختصرتينا
ماما…ماميا…ماميتا… اشتقت عيطلك هيك وتقوليلي شو بدك وتعصبي وقلك ما شي واضحك… حبيبتي متل هالنهار تركتي كل شي واستسلمتي ورحتي وغبتي عن يومياتنا وتفاصيل حياتنا هيك متل الحلم …. متل هاليوم كنت بعدني عم فكر شو فينا نعملك بعد وكيف فينا نمد بحياتك ولو عارفين النهاية وما كنت عارفي انك عم تقاومي هالمرض اللي تمكن من كل جسدك كرمالنا وكرمال ما تدوقينا كاس موتك وفراقك…اذا رجع فينا الزمن بدي خبرك اشيا كتيررر…. بدي خبرك اديش طلعتي زارعة فينا وساكنتينا بعاداتك وحكياتك وحركاتك واشيائك بدي خبرك انو ما بيمرق يوم ما بتحضري فيه معي… اشتقتلك كتير واشتقت لضحكتك وهضامتك وبساطتك ودمعتك وحنانك وقساوتك…. كل شي بعدو معي جواتي… سنتين ما غبتي ابدا وصورتك بلمحها بطرف عيني اللي صار بيتك ومطرحك… #سامحيني يا #كل_الدني يا #امي
