كتبت الإعلامية ريمان ضو عبر صفحتها على فيسبوك: ليس دفاعا عن ابراهيم كنعان؛ ولكن:
_ ميشال عون وصل الى سدة الرئاسة بفضل “تفاهم معراب” اللي كنعان عرابه.
_ لما تسأل “التيارجيي”لانه ما بعرف اذا بعد يصح اسم ” العونية” ، شو الانجاز اللي حققو ميشال عون برئاسة الجمهورية، بيقلولك “التدقيق الجنائي” اللي كنعان كمان عرابو، باقرار من رئيس التيار نفسو، دون ان ننسى مجهوده بكتاب ” الابراء المستحيل” اللي نساه او تنساه التيار الحر .
اليوم صار ابراهيم كنعان هوي المسؤول عن عدم تطبيق الكابيتال كنترول، متل ما قال الرئيس عون،
والاهضم تبرير بيان التيار اسباب الخلاف، انه كنعان كان عم يطرح نفسه بالمحافل المحلية والخارجية على انه مرشح مقبول لرئيس الجمهورية. طيب واذا زبطت، ليه زعلانين؟ او بالتيار ” انا او لا احد” .
_ لما تسأل الاصدقاء والزملاء بالتيار، بيقلولك الأحزاب التزام، والتيار ملان كوادر، والبديل جاهز. Tout simplement. وهلقد حجمها.
صحيح انه الاحزاب التزام، ولكن الا يفترض بتيار يقدم نفسه على انه ديمقراطي ومتحرر من اي تبعية داخلية وخارحية….، انو يناقش ويسمع ويجادل…. ام ان التيار اليوم محكوم بنظرية “لعيون صهر الجنرال” والقاعدة الشعبية ” صم بكم عمي” وباسيل بيتصرف على قاعدة ” انا الوالي” .
ﺍﻧﺎ ﺍﻟﻮاﻟﻲ ﺑﺎﻟﻮﻛﺎﻟﺔ
ﺍﺳﻤﻲ ﻛﺒﻴﺮ ﻭﺻﻮﺗﻲ ﻋﺎﻟﻲ
يلي ﺑﺪﻭ أﻣﺸﻲ ﺣﺪﻭ
ﻻﺯﻡ ﻳﺪﻓﻊ، ﻳﺪﻓﻊ ﻏﺎﻟﻲ
انا الوالي
بمحي ﺑﺄﻳﺪﻱ ﺍﻻﺳﺎﻣﻲ
ﻧﺎﺱ ﺍﻟﻤﺎ ﺑﺘﺴﻤﻊ ﻛﻼﻣﻲ
ﺑﻌﻤﻞ ﺍﻟﻄﺎﻟﻊ ﻋﺒﺎﻟﻲ
ﺍﻧﺎ ﺍﻟﻮﺍﻟﻲ، ﺍﻧﺎ ﺍﻟﻮﺍﻟﻲ
ﺍﻧﺎ ﺍﻟﻮﺍﻟﻲ ﺑﺎﻟﻮﻛﺎﻟﺔ
