ندين بركات : قومي انطون سعادة لازم يرجع يقرأ سعادة، القراءة الصحيحة مش القراءة على اللحن الإيراني.

كتبت الناشطة ندين بركات عبر حسابها على فيسبوك :

قومي انطون سعادة لازم يرجع يقرأ سعادة، القراءة الصحيحة مش القراءة على اللحن الإيراني.

✅نحب الحرية: حرية القرار بالحرب والسلم، حرية اختيار اللجوء للمساندة ولا انتظار إشارة حليف “العدوّ”.حرية قصف العدوّ ردّاً على قصف مرفأ بيروت، لا الصمت وتحمّل توجيه التهم.

✅إذا كان الموت طريق الحياة: ما قصد الإنتحار والتقمص.

✅اما وقفة العزّ: هيدي بيّنت، ويلي ما شافها رح يشوفها بهالاسبوعين.

هي وقفة العزّ، يلي الهيئة ايران ما بدا ياها.

✅ويلي ما عم يقرأ صح بعدو، يشوف مين تصفّى من ايران وبشار (جماعتهم) قبل حرب ايران من يوم سقوط الطيارة الإيرانية للقاطرجي (شريك محمد قصير بالتمويل)، قبل ضربة لبنان.

✅ويرجع يشوف بشار كيف عم يتصرّف، سكّر كل مصادر التمويل ومنعها.

✅ويرجع يشوف لما ايران هددت اسرائيل بضربة وبلّغوهم بالوقت واليوم والنتيجة كانت معروفة مسبقاً، حرفياً.

✅ويرجع يشوف موقف جبران، وموقف برّي وموقف الحزب يلي قال انه برّي أخ كبير، وانو موافقين على ١٧٠١-

⚠️إذا وقفة العز هي بس تتخطى اسرائيل ال٤ كم وينحطّ لبنان تحت الأمر الواقع وتجي حكومة انتقالية عسكرية بقيادة مجلس الامن، اي هيدي مش وقفة عزّ.

✅وقفة العزّ هي الحرية والتحرر من ايران وأوامرها. وهي اختيار الشعب والوطن اولا، والجلوس عالطاولة مع الجميع، مش الانسحاب بالفرض.

⚠️أنا ما شايفة ولا جبهة إسناد للحزب من ولا حزب او دولة اليوم. يعني منوقف ضدّ العالم كلو ومنتوقّع انه النصر آتي؟ (الحزب عنده صفر دعم داخلي وخارجي وايران مش معو(

لاء، منقول: الواقع هيك، ايران سبب سقوط قيادات وعملت مصلحتها، ولبنان ومصلحة لبنان أهمّ، واهلنا ما يتشرّدوا بالبرد أهمّ. لانه ضمنياً، الكل عارف النتيجة.

ونصيحة: ما بقى تصدّقوا ولا سياسي بيحكي بالإعلام. لانه بالمجالس، الحديث عكسو، وكلو ناطر الإشارة.

العدوّ وصّل رسالة مبطّنة هالاسبوع للغرب: دخول ٤ كم، تحييد قرى متعددة الطوائف، تركيز على قرى الحزب.

هو مجرم صح، بس هو عم يتذاكى. ويلي مساعده اكتر شي مش التكنولوجيا والخرق والدعم الدولي لمخطط إنهاء الحزب وبموافقة ايران، يلي مساعده انه نحن أغبياء.

العدو مجرم، لا نقاش، بس ما عم يخاطر بدمّ شعبه، نحن مبلا.
العدو عم يبعت دبابات مسيّرة، وبس يطلع النار، بيعرف من وين، ساعتها بيجي بالجوّ بيقصف. وبعدين بيبعت العسكر يتصوّر ويكزدر.

نحن عم نكبّ شعب كامل بالنار. (مش بس الحزب، كل الاحزاب).

حدا شاف صور ضربة بيت نتنياهو، وصور LAbeille D’Or وقت استهدفوا السيارة بجونية.

حدا لاحظ انه العدوّ سوّق كمان فيديو ضربة بيت نتنياهو؟ وحدا لاحظ انه الاباتشي كانت حدّ المسيّرة وما نسفتها؟

انتو بتفكّروا؟ او بتسمعوا نوال برّي ومريم البسام والسياسيين (كلّن والتغيير معهم) يلي نهبوا جنى عمركم وحياتكم ويلي ولا مرة وعدوكم ونفّذوا؟