كتب الشاعر أكرم الأحمدية قصيدة للإعلامية د. علا القنطار بمناسبة عيد المراة العالمي ب ٨ اذار
ما تهتم شو ما كان شكلي
واذا الفستان لونو لون كحلي
بدي ياك فيي تحب روحي
وتنسى الجسم وتطلع عا عقلي
البنت منها يا ابني قرص محلي
حتى ظرسك تحلي برحلة
هيي للشمس مصدر بهاها
وللقمر بتقول من مطرحك زحلي
ما خلقت للغوى بليلك ورقصوا
حتى دورها الفعال تقصوا
تبين للعقل من بعد فحصوا
المرأة زوجتي وامي وخلي
كتبت اسمك على صفحة فؤادي
سكنتي الروح ارزة من بلادي
برعتي بعلمك ونلتي السعادي
وعم الفرح بيت اهلك واهلي
البنت هيي نور نص المجتمع
فيها الحلا ومنها ابد ما بينشبع
هيي الذكا والعلم براسا لمع
وفيها ربيع الكون متجلي
الدكتور اكرم عجاج الاحمدية
