حريق في منزل دارين حليمة “اليكم ما كتبته “

كتبت الناشطة والمعلمة دارين حليمة عبر صفحتها على فيسبوك : ما بحب اكتب نصائح وعبر لأني مش أحسن من حدا بس اليوم بعد اللي صار معنا وبعد ما وعيت من الصدمة عبالي احكي. كتار بيسألونا أنا وجوزي لشو بتضلكن تركضوا كرمال الجمعية شو بدكن بالناس ساعدو حالكن عم تضيعوا وقتكم عالفاضي ما حدا بيستاهل… حدا بيحط من جيبتو كرمال جمعية ؟ اليوم بدي قول انو بفضل دعوات الناس وخير هالجمعية الله حمالي عيلتي. احترق بيتي… النار أكلت كتير أشياء…. منظر ولا بالافلام بس عيلتي بخير ولادي وجوزي حدي… ما حدا انخدش ما حدا تأذّى. عفش غراض حيطان… الله بيعوض. مال الدني ما بيسوى شي قدام عيونن. هيدي رحمة الله. هيدا الخير اللي ردلنا ياه… الحمدلله على وجودو حدنا حمدالله انو طلّع فينا حمدالله انو حدنا جيران وأهل ساعدونا وخففوا عنّا. شوفو البيت بتعرفو كيف الله موجود. هلق عرفت انو نحن محظوظين الله بيحبنا الله بقلوبنا انكتبلنا عمر جديد