كتب القيادي السابق في الحزب التقدمي الاشتراكي مروان ابو فرج عبر حسابه على فيسبوك :
قديش بشعة الصورة اللي كانت بمكان استشهادك، يا علاء . بشعة مش لأن فيها ملامحك ، لأ، بشعة لأنهم لوّثوا المكان اللي كان طاهر بدمك. مجموعة سياسة كاذبة، ما خلّوا شي إلا واستغلوه، حتى وجعنا صار عندهم وسيلة دعاية.
بس شو بدك تعمل؟ قربت الانتخابات، وصار دم الشهداء عندهم ورقة يربحوا فيها أصوات الناس.
الصدق الوحيد بالمشهد هو صورتك… هي الوحيدة اللي ما تغيّر فيها شي، لا مضمونها ولا لونها. نظرتك بعدها متل ما هي، صافية، عنيدة، بتفضح كذبهم من غير ما تحكي.
يمكن هم نسوك، بس نحنا لا.
يمكن هم لبسوا القناع، بس نحنا حافظين وجهك الحقيقي ، وجه الحق، والوجع، والكرامة.
رح تضل صورتك هي الحقيقة اللي ما بتنطمس، حتى لو غطّوها بألف شعار
