كتب الاعلامي رامي نعيم عبر حسابه على منصة x.
صديقي طوم حرب طول بالك علينا واسمحلي وضّحلك كم نقطة.
اولاً الرئيس ما قال لا مفاوضات مع اسرائيل بالعكس تماماً قال: لا موعد محدداً لمفاوضات مباشرة مع إسرائيل. جوزاف عون يقول كل يوم لا بديل عن المفاوضات ولكن انك تكون لبناني يعني انك تكون ضد سلاح حزب الله مش ضد الشيعة وضد الاحتلال الاسرائيلي مش مع توسّعو ونقطة ع السطر.
تاني نقطة الرئيس ما نسّق زيارتو مع اسرائيل كون أكيد الرئيس طلع ع الجنوب برسالة سياسية واضحة للجميع. من ميل للحزب انو هيك منحمي الجنوب يعني من خلال الدولة والشرعية ومن ميل لإسرائيل انو بس تكون الدولة ما فيكي تقتلي وتحتلي بحجة ازالة خطر حزب الله. تالت شي اتفاق الاطار بيتحدث عن تزامن الانسحاب والتسليم وبيحكي عن خطوات مقابل خطوات مش صحيح انو الحزب بيعمل كل شي بترجع إسرائيل بتنسحب هيدا اسمو تضليل، وصحيح الحزب رافض وما عم يقبل الدولة تستلم مطرح الدويلة وبسببو في تأخير كتير بس ضروري ما نزت الاتهامات ع شمال ويمين ونحكي كأنو ما في حرس ثوري وصراع أميركي إيراني والحق ع بعبدا. وآخر شي يا صديقي فيك تخبرني ليش واشنطن بإدارتا من الرئيس ترامب لوزير الخارجية لنائب الرئيس لوزير الدفاع لكل الحزب الجمهوري على علاقة ممتازة بالرئيس وتواصل دائم وإشادة دائمة علنية بخطواتو السيادية وحضرتك يلي بتنتمي لهالحزب مش عاجبك؟ يعني معقول ترامب قايلك شي عنو نحنا ما منعرفو؟ لبنان يا صديقي توم يحتاج إلى جوزاف عون بالتحديد ت ننقل من الدويلة إلى الدولة أما إذا ناطرين من جوزاف عون الانتقام والاقتتال الداخلي فصدقني مش رح يصيرو وبقدر اجزملك شي واحد انو حزب الله بيكره جوزاف عون لانو ما رضي يساوم معو ع سلاحو وهيدا الرئيس اللي بدو يسحب سلاح الحزب ويحقق سيادة كاملة بانسحاب اسرائيل هوي ضمير لبنان وغير هيك بكون في عنا أجندات خاصة مش وطنية ١٠٠٪
