كتبت رئيسة الاتحاد العربي لدول اسيا وشمال افريقيا السيدة نسرين الأشقر عبر حسابها على فيسبوك : قلت هالكلام من سنين و برجع بعيدو اليوم ، ما بنتمي لأي جهة سياسية و ما بحياتي ما حضرت أي اجتماع أو شاركت بأي لقاء لأي جهة سياسية أو حزبية . هيك علمني بيي و هيك رح إبقى مرفوعة الرأس ، و إنتمائي الوحيد هو للوطن ، و فيكن تروحوا تسألوا عني ، انا بنت طوني الشيخ من بيت شباب .
عم قول هالكلام لأن من كم يوم انذكر إسمي أمام أحد السياسيين البارزين فكانت ردة فعلو إنو قال هالسيدة معنا. بشكر محبتك بس ما بعرف على شو استندت حتى تقول هالكلام ، اذا فكرك تعطيني مركز و تحسبني عليكن انت غلطان ، نحن ما مننشرى بالمراكز . و لما بدنا نوصل على مركز منوصل بكفاءتنا و مش بالمحسوبيات .
و اسمحولي استشهد بأغنية ل لطفي بو شناق بتقول : خدوا المناصب و المكاسب لكن خلولي الوطن .
